55 Sekunda mag villicht nur a Zahl sii, für üs isches aber viel meh als das.
Jeda Menesch triibt öpis vorah, was ihn bsunders glücklich macht und genau söttigi Moment hend miar in 55 Sekunda igfanga. In üserna Kurzviedeos geben drei Lüt an Iblick in ihri Lidaschaft und zeigen, für was sie brennen.

ANIK

«Liidaschaft isch für mi, nöd öppis wo mer nur mega gern macht, Liidaschaft isch öppis wo mer brucht.»

CHIARA

«Ä Liidaschaft isch für mi öppis wo mer mega gern macht und wenn mer muass druf verzichta denn fählt eim wia öppis.»

XENO

«Ä Liidaschaft für mi isch öppis wo mer gern macht, aber nöd gnau weiss wieso dass mers gern macht und mer dä Drang dezua het, das immer wieder z’tua.»

DIA DRÜ WO NOHGFROGT HEND:

SINA

Es isch echt schön gsi zum festhalta wia Persona über eri Lidaschafta verzellend und wia sie dabi strahlend – vorallem wenn ma selber keini het.

CELINA

Liidaschaft – öppis wo ma nid richtig in Wort fassa kann, aber einem fesslet und nüma losloht.

RENÉE

Wenn öppert über sini Liidaschaft verzellt, isches fascht so asteckend wia wenn öppert afoht gähna – nur geiler.